大家樂 (已結業)

呢日返工之前，就去左呢度食飯。呢一間大家樂都唔算太多人，可能時間尚早既緣故啦。我就叫左個酥排菜飯，個餐有春卷、涼菜、麻醬雞絲。飲品就係珍珠奶茶。酥排即係上海排骨，個皮就好重蜜糖味。但排骨就唔多夠味，好彩肉質尚算鮮嫩，算係咁啦。而排骨有三大舊，真係好夠啦。春卷真係無乜特殊，真係好普通既一舊春卷。麻醬雞絲呢個就幾好食，個麻醬好好味。溝埋雞絲就好好食。菜飯菜既份量真係好多，飯就整得好煙韌。但唔知點解飯要加薑度。我唔係咁欣賞。珍珠奶茶好正呀，珍珠好淋，茶味又夠濃。真係好正好好飲呀。實有下次既，午餐又唔算太貴。好好食。