三河屋 (已結業)

Item: 三河屋
Rating: 4
Author: 蝗蟲同學

MIKAWAYA

3.5

493 食評

味道

環境

服務

衛生

抵食

9947

紅磡

$51-100

日本菜

291

121

蝗蟲同學

等級4

1-11-2008拉了朋友去紅磡食 dinner, 由於去黃埔去到悶晒, 今次行出少少, 5:55pm 路過見到門口竟然有一小條人龍等佢開門, 索性排埋一份. 呢度供應日本住家式料理, 食物大多 $40-$60 一客, 加上細細份, 結果兩個人叫了 5 款 share 食, 整體印象只有 4 個字 -- 物超所值!- (跟餐的) 麵豉湯: 稀稀的, 有大量芽菜及昆布, 味道唔過鹹, 熱辣辣飲落 ok 啦.- 燒雞泡魚乾: 烤得微(火農), 同渣華道「札幌」(http://www.openrice.com/restaurant/commentdetail.htm?commentid=162316) 的比, 呢度的較乾身, 較煙韌亦較香, 配上蛋香濃郁的沙律醬, 食唔停口!- 鰻魚飯: 呢個勁得 -- 鰻魚好厚肉, 仲肥到睇到層「魚油」的, 而且即叫即燒 (!!!), 食落甜美豐盈, 帶炭烤味, 超級好食! 飯亦不錯, 雖然唔係粒粒珍珠米, 但仍帶點黏黏韌韌. 比起已經幾掂的「小室屋」燒鰻魚 (http://www.openrice.com/restaurant/commen

1-11-2008

拉了朋友去紅磡食 dinner, 由於去黃埔去到悶晒, 今次行出少少, 5:55pm 路過見到門口竟然有一小條人龍等佢開門, 索性排埋一份.

呢度供應日本住家式料理, 食物大多 $40-$60 一客, 加上細細份, 結果兩個人叫了 5 款 share 食, 整體印象只有 4 個字 -- 物超所值!

- (跟餐的) 麵豉湯: 稀稀的, 有大量芽菜及昆布, 味道唔過鹹, 熱辣辣飲落 ok 啦.
- 燒雞泡魚乾: 烤得微(火農), 同渣華道「札幌」(http://www.openrice.com/restaurant/commentdetail.htm?commentid=162316) 的比, 呢度的較乾身, 較煙韌亦較香, 配上蛋香濃郁的沙律醬, 食唔停口!
- 鰻魚飯: 呢個勁得 -- 鰻魚好厚肉, 仲肥到睇到層「魚油」的, 而且即叫即燒 (!!!), 食落甜美豐盈, 帶炭烤味, 超級好食! 飯亦不錯, 雖然唔係粒粒珍珠米, 但仍帶點黏黏韌韌. 比起已經幾掂的「小室屋」燒鰻魚 (http://www.openrice.com/restaurant/commentdetail.htm?commentid=1944159), 呢個更更更更更掂, 嗜唔嗜鰻魚的, 都應該試試!
- 日式煎蛋: 一心以為係「燒玉子」, 但原來呢個係凍食的, 仲要係好冰凍0個隻, 凍到牙都痹! 我都係鍾意熱食的多 d; 味道就極甜, 無蛋香, 麻麻0地好食.
- 清酒煮蜆: 酒香撲鼻, 蜆仔唔算好肥, 肉亦少少韌, 但味道絕對鮮甜的, 而且無沙, 幾好食; 湯底就好多沙0下, 可幸呷了兩啖, 味道幾清甜, 還不錯.
- 雜錦天婦羅: 粉漿望落好似幾厚, 食落就覺得可以接受... 炸得熱辣辣, 十分脆口, 完全無油, 勁! 南瓜粉粉甜甜, 茄子軟腍 juicy, 魚尾 (係沙鎚?) 輕柔又帶點肉汁, 而最正就係海蝦, 十分新鮮爽甜. 40 幾蚊一客, 抵得無可再抵!

小店環境迫夾, 裝修帶點日本家庭 feel; 招呼就一般.

齊頭每人 $100, 唔算好飽, 但味覺享受近乎滿分, 值得一試再試. 下次0黎, 會試咖喱, 烏冬, 山芋蓉, 燒魚, 燒蠔, 關東煮... etc etc.