海鱻城

營業中

休息中

今日約咗一班朋友去探一位老師，老師就住喺樂富，佢就帶我哋嚟呢度飲飲茶。由於係星期日所以係好多人，樓底好低所以都幾嘈吵，如果想安靜傾偈嘅話就唔可以揀呢度。不過啲碗碟都好乾淨，侍應都算有禮貌，唯獨係地方細，同埋枱與枱之間都好近，出入小心啲。脆皮奶皇包，都有留心嘅算OK個皮脆卜卜卜。鯪魚球一般般，正常發揮，豬軟骨伊麵，豬軟骨唔夠淋，比較柴皮，伊麵煙煙韌韌有驚喜，魚香茄子燴米粉夠油香夠鑊氣，墨西哥餐包好貴，完全唔覺得好食，個皮係薄嘅，叉燒餡偏鹹少少，但真係好細個，性價比好低，可以唔食。 士多啤梨脆皮奶卷可以一試，外脆內軟，XO醬炒腸粉不過不失，同一般酒樓嘅味道一樣樣。魷魚鬚非常香脆。但下午茶一啲都唔算平，唔會再encore。