集眾菜館

因為冇book枱，好彩老闆娘肯俾我哋快事，6:00坐低7:30交枱，梗係殺啦。我哋兩個人叫咗兩個餸，兩個都好好食，怪之得呢間小炒經常排長龍，目測基本上如果冇book位都實冇位。

上睇啲人話必食咕嚕肉，所以梗係要叫啦，佢嘅咕嚕肉做到外脆內軟，個質感非常之好，封咗個汁之後外面嘅皮仍然有微脆，注入麵包住嘅肉都算嫩滑。菠蘿係用新鮮菠蘿，所以食落去特別鮮味。連佢啲青椒同埋洋蔥都炒得好食果下先至勁。

跟住要咗個鐵板通菜，熱辣辣上枱夠晒香。