影片
更多
2019-06-09
111 瀏覽
朋友介紹，話靖Sushi Jin超級抵食，食材勁新鮮，咁就同老公們去尖沙嘴行街，順道試下。食個廚師發辦。睇左MENU, 其實午餐選擇唔算太多。 但我同老公都毫不猶豫選擇廚師精選壽司九貫，之前係一D日本餐廳食過，比哩度貴好多。可能因為靖係樓上店，租金平掛，哈哈。所以我都覺得好抵食。而且廚師發辦，食材就由師傅決定，食佢拿手同食材最好既SUSHI。前菜及沙律前菜係醃左既角切魚生，都好新鮮爽口，好開胃。跟住師傅就出場啦。佢好年青，但完全感受到佢對日本壽司既熱誠。當第一次壽司做好，放係我地面前，佢好細心咁介紹食材，做法，同配搭唔同既醬料。我好唔客氣一啖食落口，壽司飯的醋酸度適中，魚超級鮮味。北海道柚子帶子壽司：柚子帆立貝比我係日本食既仲甜，超肥超JUICY。金木鯛 7色芝麻 紅心蘿蔔：平時出邊唔多有得食，顏色好靚，配上七色芝麻，所以特別好味。平鯖魚壽司，口感爽口，味鮮，最完美係配左個即磨柚子汁，第一次食咁清新既壽司。深海池魚壽司，脂肪同魚肉平衡合適，濃滑的肝醬配搭，完全係人間極品。辣味拖羅壽司，拖羅是厚切的，入口溶化，齒頰留香。BB銀雪魚壽司，肉質特別嫩，好味。北海道馬糞海膽軍艦，海膽多到完全溢
食個廚師發辦。
睇左MENU, 其實午餐選擇唔算太多。 但我同老公都毫不猶豫選擇廚師精選壽司九貫，之前係一D日本餐廳食過，比哩度貴好多。可能因為靖係樓上店，租金平掛，哈哈。所以我都覺得好抵食。
而且廚師發辦，食材就由師傅決定，食佢拿手同食材最好既SUSHI。
前菜及沙律
前菜係醃左既角切魚生，都好新鮮爽口，好開胃。
跟住師傅就出場啦。佢好年青，但完全感受到佢對日本壽司既熱誠。當第一次壽司做好，放係我地面前，佢好細心咁介紹食材，做法，同配搭唔同既醬料。
我好唔客氣一啖食落口，壽司飯的醋酸度適中，魚超級鮮味。
北海道柚子帶子壽司：柚子帆立貝比我係日本食既仲甜，超肥超JUICY。
金木鯛 7色芝麻 紅心蘿蔔：平時出邊唔多有得食，顏色好靚，配上七色芝麻，所以特別好味。
平鯖魚壽司，口感爽口，味鮮，最完美係配左個即磨柚子汁，第一次食咁清新既壽司。
深海池魚壽司，脂肪同魚肉平衡合適，濃滑的肝醬配搭，完全係人間極品。
辣味拖羅壽司，拖羅是厚切的，入口溶化，齒頰留香。
BB銀雪魚壽司，肉質特別嫩，好味。
北海道馬糞海膽軍艦，海膽多到完全溢出，超級多同豐富。海膽激鮮，甜味食足。
火炙赤目魚壽司，平時我最鍾意食火赤炙，哩個壽司仲燒埋魚皮，所以比之前食過既火炙仲好味。
右口魚壽司，赤甘鯛肉質鮮嫩軟滑，入口味道鮮甜清爽。
吞拿魚醬油漬壽司，我平時少食吞拿魚，哩個吞拿魚味媭濃，再加左少許芝麻，好味。
小食：燒鱈魚干，仲係熱辣辣，好香口。
手卷 – 拖羅蓉手卷
拖羅蓉手卷內有拖羅蓉，十分多，仲有天婦羅碎，所以入口肥美但又香脆，人生食過最好味既手卷。
茶碗蒸
清香簡單，好好味。
麵豉湯
吃過壽司後，係麵豉湯，好有日本的感覺。
甜品
是日甜品為雪糕，是海盬雪糕，甜咸適中，很不錯。
午餐價錢非常合理，最重要是質素十分高，難怪朋友極力推介，所以我都會推薦俾人。
張貼
