牛陣 (荃新天地) (已結業)

講個秘密俾你知，牛陣開到全港周圍都係，其實今次先係我第一次嚟咋！講開任食嘅 Shabu shabu，真係周圍都係，好多競爭。琴日女朋友話要試個冬暖美鍋 ($329一位)喎，話食完會變靚啲。賣點係個雞白湯湯底，話係無味精，用十個鍾煲岀嚟，絕對真材實料，聽到都想試。可能因為無味精嘅關係，所以湯底好清淡，靠一路圢邊爐一路滾啲味。其餘都係任食牛肉、豬肉、火鍋配料等等。最好食係個美人和牛，非常高質，仲係任食添！飲品都係任飲，仲有雪糕任食！