點解叫炸理滷味？一睇就知道同食滷味有關啦！邊個話食滷味係中年人先食架？大把後生仔食架其實！
好有懷舊風味的招牌，一入門口就聽到播佢80-90年代既歌，我入黎既時候咁岩就播緊尹光
High High High (你懂的！)
叫左個滷味套餐所以有野飲，一杯係青檸荔枝梳打丶一杯係青檸柚子梳打
兩杯清爽既野飲，就係陪伴我地食之後炸物同滷味既好幫手，好味道！
先黎一個滷味大全，包括有雞腎丶鴨舌同埋大腸，當中最好食既係雞腎，好爽口，滷味汁同雞腎勁夾。鴨舌煮得非常腍，一放入口就可以吸哂D肉出黎，食埋條軟骨，好味。
邊有人估到係小食店可以食飯架？我就試左個滷味東坡肉飯。東坡肉煮得好腍，醬汁好濃味，可以食到好強烈的花椒八角味，一碗飯可以夠一個女仔飽，而且價錢唔貴，午餐可以考慮！
作為一個芝士控，見到有芝士波波就當然要叫黎食啦！
熱辣辣既蝦膠包住好香濃的流心芝士，勁感動。而且芝士唔係個隻拉絲得黎又硬又冇味既mozzarella cheese，而係香濃口味的芝士，驚喜！
每一粒都有乒乓波Size以上，30幾蚊6粒真係勁抵食，去餐廳食分分鐘可以收你78蚊都有人食！
炸物拼盤分別有炸和牛粒丶炸黑豚肉五花腩丶炸墨魚汁香腸丶炸多春魚同埋炸南瓜
和牛粒炸得黎好軟熟，入口重有牛肉汁Bit出黎，唔錯！
五花腩炸完反而少左D油脂，食落更爽口！而香腸同多春魚我都分別加左D辣椒粉，更惹味。
南瓜好腍好甜，而且炸得好薄個脆漿，好味道！
好甜既特大蘆筍，薄薄既炸漿唔會影響到口感，入口好Juicy，好甜的蔬果味。
手掌咁大隻既炸脾你食過未？未試過就真係要試試佢
平時要食炸脾，通常我都會食三多炸脾。知道旺角有間食炸滷味既小店，重要有炸脾食，馬上衝去試試
手掌咁大隻既炸脾，表皮勁脆又薄，唔會食到一口嘅炸粉。一啖咬落去，熱辣辣既雞汁同雞油Bit哂出黎，勁Juicy
！
味道咸咸地，我就再加上少少辣椒粉，更加惹味
平時食三多炸脾都要成$28蚊，呢度質素唔會差過三多，可以一試！小店係要支持架！
有性格haha
古色古香，帶點懷舊味道
