影片
更多
2020-10-27
756 瀏覽
每次去韓國旅行都一定會掃街，因為佢哋嘅街頭小食真係特別多，好似魚糕串、辣炒年糕、糖煎餅、炸熱狗、雪糕鯛魚燒…等等，總是令人吃得不亦樂乎。講起上嚟，其實我都真係好耐無食過韓式炸熱狗棒，趁今日喺旺角做完嘢，就順便過嚟「阿里郎」買番隻熱狗解饞。睇返網上資料，原來間舖頭都開咗超過一年，店內地方不大，以外賣為主，當然客人哋可以站在旁邊立食。先細心研究一下餐牌，熱狗棒分為兩大類，合共有 8 款，另外亦有韓式吐司、吉拿棒、雪米糍、年糕香腸串、炸魚餅等供應，選擇非常豐富。心大心細，樣樣都想試，最後點咗薯條熱狗棒、一份韓式吐司，另外再揀咗兩個雪米糍做甜品。 薯條熱狗棒 ($32) 熱狗棒新鮮炸起，拿上手時仍熱辣辣，外面包住一粒粒炸脆咗嘅薯仔粒，賣相非常吸引。牆身上貼咗張 Poster，上面有詳細教路點樣可以令熱狗棒更美味的吃法。根據韓國傳統食法係先沾上椰糖，然後再隨自己喜好淋上茄汁、蛋黃醬、蜜糖芥末醬等作調味。而呢度嘅最佳食法就係灑上砂糖+芝士粉+車打芝士醬+芝士芥末醬。食落味道真係唔錯，外面嘅薯仔粒脆卜卜，內裡的香腸啖啖肉，入口肉汁滿滿。至於韓式吐司就有四款口味，包括火腿芝士、韓式烤肉、香辣雞肉同我
講起上嚟，其實我都真係好耐無食過韓式炸熱狗棒，趁今日喺旺角做完嘢，就順便過嚟「阿里郎」買番隻熱狗解饞。
睇返網上資料，原來間舖頭都開咗超過一年，店內地方不大，以外賣為主，當然客人哋可以站在旁邊立食。
先細心研究一下餐牌，熱狗棒分為兩大類，合共有 8 款，另外亦有韓式吐司、吉拿棒、雪米糍、年糕香腸串、炸魚餅等供應，選擇非常豐富。
心大心細，樣樣都想試，最後點咗薯條熱狗棒、一份韓式吐司，另外再揀咗兩個雪米糍做甜品。 
薯條熱狗棒 ($32) 熱狗棒新鮮炸起，拿上手時仍熱辣辣，外面包住一粒粒炸脆咗嘅薯仔粒，賣相非常吸引。
牆身上貼咗張 Poster，上面有詳細教路點樣可以令熱狗棒更美味的吃法。
根據韓國傳統食法係先沾上椰糖，然後再隨自己喜好淋上茄汁、蛋黃醬、蜜糖芥末醬等作調味。而呢度嘅最佳食法就係灑上砂糖+芝士粉+車打芝士醬+芝士芥末醬。
食落味道真係唔錯，外面嘅薯仔粒脆卜卜，內裡的香腸啖啖肉，入口肉汁滿滿。
至於韓式吐司就有四款口味，包括火腿芝士、韓式烤肉、香辣雞肉同我揀嘅蝦多士 ($42)。件多士用料好豐富，除咗炸蝦餅外，麵包內還夾滿了煎蛋、椰菜絲、芝士、青瓜等。蝦餅炸至金黃香脆，咬落彈牙又不失鮮味。煎蛋富蛋香，內有粟米粒，口感十足， 配埋醬汁吃，層次更豐富！
雪米糍選了烏梅 ($20) 同水蜜桃 ($20)，烏梅雪米糍以厚度適中的煙韌糯米皮作為外層，內餡加入了香甜綿密的紅豆蓉，食落口感好豐富，甜食控一定鍾意。水蜜桃味道十分天然，咬一口已聞到濃濃的蜜桃香氣。其實餐牌上還有 12 款其他口味，睇嚟真係要密密食才試得完呢！
張貼
