新唯一麵家 (已結業)

行過見到有上海野食，就入去試左蔥油餅、雲吞、排骨菜飯。店員都非常親切，介紹比你聽多數人客會叫咩食，而且最受歡迎的又是什麼。多數食上海野都必試既，蔥油餅：煎得非常香脆，麵粉唔算好多，蔥味好出，不過你預左蔥油餅係多點油；而雲吞無諗過一碗咁多粒同咁大粒，而且粒粒都有原隻鮮蝦同碎肉，食一碗都已經飽哂。最後排骨菜飯好特別，排骨酸酸甜甜，送飯一流，菜飯屬於偏腍，落左一點油鹽去調味，非常可口，菜飯大家不妨試試。