New York Cafe & Bar (已結業)

每逢到左11月，就代表呢個月係幸福嘅月份，可以肆無忌憚以本人生日嘅名義周圍食好嘢。近呢一年，New York Cafe除左提供扒類和西餐，更有越式河粉供應，迎合一眾輕食嘅食客。因此怕肥嘅老婆也被說服，肯同我一起再食。來到餐廳，二話不說就點了性價比最高嘅T骨扒。一如以往，New York Cafe 很重視食品嘅賣相，牛扒與配菜都配置得好有條理，睇見都令人食指帶動。食物都是新鮮現煮，可能要耐心等候一會。T骨扒有超過手掌般的大，牛扒剛好8成熟，不太生也不會過熟，肉汁鮮嫩，非常美味，不消一會已把成塊牛扒吃完，果然冇令我失望。