影片
更多
2016-05-05
434 瀏覽
一直以來都好想去呢間甜品店，因為每次喺Facebook度睇到朋友去完都大讚，望住啲甜品就好似一幅畫咁，亦都好似一件藝術品。今晚同愛人食完飯Book咗八點嚟食甜品，幸好有預早book位，原來入面唔係好大，只能容納大概20人，而我當日去亦都好full。入面嘅裝修都幾型格，有一張U型吧枱圍住廚房，而客人就望住廚師整甜品，另外仲有個位置比客人坐低等位。一坐低店員就比咗兩支試管我哋，原來係番石榴汁 ，都幾好飲，淡淡既番石榴汁，清新又輕怡，用作refresh口腔就岩晒。Menu其實都係得幾款揀，既然黎到當然揀Improvisation $348，之後店員會比枱布我哋揀，有黑、白同灰，我就揀左白色。首先底層以竹炭朱古力及青檸雪芭去劃。再加上呢幾枝醬汁: 朱古力、芋頭、芒果、椰子同血桃，越畫越colourful。之後再灑上士多啤梨味糖粉、密瓜糖粉同埋芒果糖粉。放上封乾左既Raspberry 粒放新鮮Raspberry同藍梅，柑桔味Jelly同綠茶Mochi 柑桔味都幾濃，綠茶Mochi又煙煙韌韌。加上朱古力Mousee同埋熱情果辣椒奶凍&蕃薯奶凍熱情果辣椒奶凍入口感覺好特別，帶少少微辣嘅衝擊，而番薯蕃
今晚同愛人食完飯Book咗八點嚟食甜品，幸好有預早book位，原來入面唔係好大，只能容納大概20人，而我當日去亦都好full。
入面嘅裝修都幾型格，有一張U型吧枱圍住廚房，而客人就望住廚師整甜品，另外仲有個位置比客人坐低等位。
一坐低店員就比咗兩支試管我哋，原來係番石榴汁 ，都幾好飲，淡淡既番石榴汁，清新又輕怡，用作refresh口腔就岩晒。
Menu其實都係得幾款揀，既然黎到當然揀Improvisation $348，之後店員會比枱布我哋揀，有黑、白同灰，我就揀左白色。
首先底層以竹炭朱古力及青檸雪芭去劃。
再加上呢幾枝醬汁: 朱古力、芋頭、芒果、椰子同血桃，越畫越colourful。
之後再灑上士多啤梨味糖粉、密瓜糖粉同埋芒果糖粉。
放上封乾左既Raspberry 粒
放新鮮Raspberry同藍梅，柑桔味Jelly同綠茶Mochi 柑桔味都幾濃，綠茶Mochi又煙煙韌韌。
加上朱古力Mousee
同埋熱情果辣椒奶凍&蕃薯奶凍熱情果辣椒奶凍入口感覺好特別，帶少少微辣嘅衝擊，而番薯蕃薯奶凍甜甜。
加左d焦糖脆脆，香蕉味cream，上面放上朱古力脆片。整到呢度，店員會首先幫客人影一次次相先。
主菜嚟啦，店員會用-196度液態氮來整雪糕，其實亦即係我哋平時食嘅分子雪糕。須注意嘅係雪糕整完會出煙，比較硬身，如果呢個時候食會黐住條脷，其實整到咁凍嘅目的就係比客人慢慢影相，唔洗怕雪糕溶化，真係好細心。
整完朱古力味雪糕，之後到西柚味雪皅。
最後加埋龍蘇糖喺面，就完成喇！真係好靚呀。
包左兩杯飲品，我哋揀咗熱茶。
Camomile Lime Flower & Lavender Tea店員會係茶既側邊放一個漏斗，提醒我哋夠三分鐘就可以享用茶。洋甘菊茶帶有薰衣草香味，飲落個人好舒服。
Empress Grey Orange & Lime Tea呢杯橙味及檸檬味都好出，入口酸酸地。
店員每加一樣材料，都會拎俾我哋試下味，可以一面食一邊睇住佢整，而且每次加一項材料，佢都會好細心咁講解係乜嘢嚟，材料好多都係新鮮生果，仲可以比客人自己畫，令到我哋成個過程都好enjoy，呢度真係好值得帶重要嘅人黎一齊分享，睇得又食得。
張貼
