敏華冰廳 (已結業)

今朝難得返工早放！十一點幾十二點既時候捉緊左早餐既尾巴，同屋企人嘆返個早餐。我地總共4個人，嗌左兩份早餐 一個常餐同特餐。等左一陣野食就送到！首先黎到既係早餐兩份，我地嗌左兩份沙茶醬麵同埋煎蛋。而常餐order左叉燒公仔麵，特餐order左超級雜扒餐。雖然呢個時候餐廳入左率好高，但都無損職員出餐既速度！落左單大約10分鐘就黎齊哂，效率分快！但因為我地有兩份早餐同常餐，就算坐4人座都有少少擠迫。首先試下沙茶醬麵！食到沙茶醬味之餘牛肉上都有滿滿既醬，唔會好似平時食既沙嗲牛肉麵咁無沙嗲既味。而麵質方面都唔差，唔會煮得太熟，亦都唔會太硬，唔似只係浸下熱水就撈上黎既感覺。叉燒麵就普普通通，雖然係用左翠華叉燒，但我認為沙茶醬麵比較出色。但麵既質素同樣都不錯，值得一讚！最後餐飲同食物差不多時候送到，而質素同普通茶餐廳相若。如果食完趕住走仲可以使用八達通付款，夠哂方便！總結整體用餐過程唔錯，食物上菜有效率，衛生情況可以接受，只係環境有啲擠迫。