風月堂 (已結業)

相約友人在這裡晚飯, 七點到達還有不少空檯, 揀左窗口位, 一邊悠閒地用餐, 一邊望著熱鬧的旺角街頭, 甚為有趣。 埋首設計精美的餐牌, 要多看幾眼才捨得下決定呢! 燒牛舌$50:確實價錢記不起了, 想不到友人也愛吃牛舌。一客有五塊, 厚度算正常吧! 當然厚些更有咬口。 外層燒得金黃微脆, 肉質夠稔但非稔到不用咬那種, 吃到有牛的鮮味,調味要靠燒汁, 如果單食牛舌稍嫌淡味。 帶子海蝦茄汁意粉$75: 飯麵的選擇何其多, 而且每個配搭都非常吸引, 所以我將決定權交給友人好了。 揀茄汁唔多唔少都是想酸咪咪開胃些, 這個都有少許酸, 茄味一般濃, 意粉不算好彈牙但都不是稔身, 配料份量都無呃人, 帶子和蝦各有三隻, 放在意粉面。 帶子肉質鮮甜夠彈, 蝦肉都是爽口不會霉。 芝士煙肉焗青蠔$45: 大約是這個價錢吧! 青口有六隻, 焗得剛好不會韌, 無雪味; 底下鋪滿十分綿滑的薯蓉, 而且很有芝士味和牛油香, 但香口, 忍不住一啖又一啖放入口,但多吃都會漏。 可能仍受上次甜品水準所影響, 加上又一心想飲貢茶, 所以都是留肚飲茶好了。但經過這次一訪後, 似乎又對風月堂的食物重拾興趣。