一盛極牛 (已結業)

今日同朋友嚟到尖沙咀呢間專食牛肉拉麵嘅專門店。 話明係專門店, 拉麵嘅款式就自然唔會多啦, 分別有基本嘅醬油味極牛拉面同加入白松露嘅白牛拉麵兩款。雖然湯底選擇唔多, 但麵條硬度、醬油濃度、 白松露濃度, 以及各款配菜嘅份量, 通通都可以按個人喜好選擇。 今日決定挑戰一下和牛刺身！相中嘅和牛刺身係兩分肉量, 肉片切得非常薄, 肉色鮮紅。湯底熱度夠, 如果食唔慣全生牛肉, 只要將和牛浸一浸湯就已經變成半熟。麵條方面, 我覺得選普通硬度就啱啱好, 咬落富有彈性, 湯汁掛麵, 味道濃郁。