星之戀

營業中

休息中

食完睇番啲食評先發現好多人話佢做生意唔老實，估唔到真係中伏。我哋去飲早市，叫咗斑蘭生煎豬肉餃，嚟咗斑蘭生煎包，我哋冇叫佢換，照食，到埋單嗰時諗住叫佢張單轉番做斑蘭生煎包，因為生煎包係比煎餃平一蚊，我仲特登影埋相俾佢睇當時係嚟咗包，點知個女部張死口話係餃嚟，唔肯轉番張單，真係當我哋傻，仲話我哋冇斑蘭生煎包，到我喺個餐牌指個斑蘭生煎包俾佢睇，佢又話個包係白色，唔係咁，真係指鹿為馬到一個點。我見只係差一蚊就唔同佢糾纏，不過顯示出佢哋做生意好唔老實，冇生煎餃咪同我哋講囉，唔使咁核突嘅。雖然食物同個景係幾好，不過做生意唔老實即刻扣晒分，唔會再有下次。