壽司郎 (新都會廣場)

營業中

休息中

多數去長沙灣分店食，試過黃大仙我覺得一般， 今次特登嚟葵芳試一試，呢間比另外兩間多人， 如果假期揸車黎,五點半已經要等入停車場。食物所有分店應該都係一樣，我覺得新鮮程度呢間同長沙灣相約，不過今次比較特別嘅係用咗赤醋黎造壽司，係期間限定嘅， 顏色望落去會深少少。不過我覺得冇平時食開嘅壽司醋咁好食，呢個好似比較黏少少亦都比較酸。我覺得最好食嘅係赤蝦， 食幾隻都咁新鮮。海膽分量比較少， 不過亦都新鮮甜美。牛肉壽喜燒呢間做得比較好，因為過去幾次食都係肥肉太多， 唔知係咪今次來貨比之前好