明華酒樓 (已結業)

每次拜山後一定會去飲下午茶，今次亦不例外。坐車去到筲箕灣，一落車就上來找位，因為這裡逢假期都冇定位服務。等了十分鐘就有位，不過是坐房還要坐十人桌，真是有冇攪錯，迫到死。酒樓是舊式茶樓，真的又殘又舊。服務真的差到冇人有，要水冇水，要茶冇茶。那些老待應，持老賣老。好聲好氣同佢講加水和收碗筷，一時當聽不到，一時又好惡咁話不得閒。真是激到啤啤聲。不過除了服務外，其它就幾好，真的又平又抵。我們叫了十六個點心，又大又中又細點，又炒了一碟麵，又叫了個錦鹵雲吞。重要成十二個人茶錢，都不過是二佰五十大元。食物質數就一般，冇特色，冇花巧，不過都不是太差，都叫食得過。如果不講服務，不重視服務的話，來這裡飲茶是幾好的。順帶一提，記得洗杯碗等食具，因為幾污穢的。另個哭面是給服務員工的，他們應得的。