阿爺八鮮鍋 (已結業)

前兩日去旺角H&M旗艦店行街，咁啱一出門口見到斜對面有雞煲加海鮮鍋，朋友見到心心眼話要去試吓。上到樓見位置都幾闊落，仲有一邊窗景，趁未係太多人快快手落柯打~等待雞煲嚟之時，竟然仲有個花膠湯，用個爐暖住，確保湯夠晒熱，唔好睇佢細細壺，但絕不欺場，揭開蓋會見到有好多花膠，好味！另外LIKE 同SHARE 餐廳FB可以upgrade刺身，連海膽都有!跟住嚟嘅係雞煲，本身都夠晒熟，稍為開爐炒幾下，已經聽到吱吱聲，好快店員走過來話已經可以食得。雞肉夠晒味，加埋洋蔥等配菜更加香，我自己就鐘意再炒耐D，熱d又好食d。轉頭就開始食火鍋， 先來有一個龍蝦鮑魚帶子海鮮拼盤，好有氣勢！另外板上嘅食物任叫，最欣賞小牛排，有適量嘅脂肪，牛味又夠濃，淥一淥已經食得。 仲有個龍躉頭腩，淥起非常滑，點少少豉油可以吊起鮮味，仲可以令個湯底更甜。不得不提呢度嘅手打丸，彈牙又爽滑，而且每次都係按人頭俾，一定唔會食唔晒造成浪費！