一喜燒 (已結業)

一喜燒新開業🎉樓底夠高，裝修行工業風路線，用上水泥牆身同木系傢俬。牆上有唔少霓虹燈牌作裝飾😍燈光略暗，掛上一盞盞暖色射燈頗有格調。每枱都有剪刀同筷子方便食用，非常貼心。招牌重慶酸辣粉 $38又麻又辣過足口癮🥵嗰一陣酸香除咗令味道更有層次外，亦稍為緩和咗麻辣度。酸味鮮明自然得嚟又唔突兀👏🏻湯底飲落順喉。薯粉彈牙有咬口，唔會過韌👍🏻招牌雞翼串 $18一串兩隻，外脆內軟當之無愧👏🏻外皮香脆，一咬落去有驚喜！豐腴肉汁破皮而出，肉質保持細滑👍🏻香料惹味拿捏得宜，唔會重口味到蓋過雞嘅鮮味。