影片
更多
2022-10-08
398 瀏覽
難得今日去港島東開會，收工就緊係約埋同事去chill 一 chill!呢間The Butcher Club Grille，地點夠哂方便，係正太古城對面，裝潢充滿歐陸風味，室內環境寧靜，燈光柔和，充滿情調，最適合同摯愛或者朋友坐底舒舒服服咁食餐飯。餐廳仲有一個mini bar，而室外亦設有半露天座位，岩哂三五知己收工後去飲返杯。講返野食先～新英倫周打蜆湯入口香滑，配料非常豐富，烤過既煙肉好有咬口，加上洋蔥、烤麵包粒等，口感豐富。招牌蟹餅熱辣辣上枱香噴噴，蟹餅焗至金黃色，外脆內軟，咬開見到一疏疏蟹肉，好滿足，必試！澳洲M3 和牛西冷牛扒 230G一上菜已經聞到好香既炭香同牛脂味，未食已經流哂口水。外藉老闆仲好細心幫我地即席添加即磨黑胡椒 及 Mustard，配合埋side dish 香烤蒜頭同粒粒香甜車厘茄，擺盤好靚！牛扒叫左5成熟，外邊炭香味濃，內裡鮮嫩多汁，正！70%朱古力心太軟蛋糕最後又點少得甜品呢！朱古力心太軟外層微脆，內裡軟心熱辣辣，一切開朱古力醬就好似湧泉咁流出黎，配合埋雲呢拿雪糕，一凍一熱，冰火交融，令人回味～
呢間The Butcher Club Grille，地點夠哂方便，係正太古城對面，裝潢充滿歐陸風味，室內環境寧靜，燈光柔和，充滿情調，最適合同摯愛或者朋友坐底舒舒服服咁食餐飯。
餐廳仲有一個mini bar，而室外亦設有半露天座位，岩哂三五知己收工後去飲返杯。
講返野食先～
新英倫周打蜆湯
入口香滑，配料非常豐富，烤過既煙肉好有咬口，加上洋蔥、烤麵包粒等，口感豐富。
招牌蟹餅
熱辣辣上枱香噴噴，蟹餅焗至金黃色，外脆內軟，咬開見到一疏疏蟹肉，好滿足，必試！
澳洲M3 和牛西冷牛扒 230G
一上菜已經聞到好香既炭香同牛脂味，未食已經流哂口水。外藉老闆仲好細心幫我地即席添加即磨黑胡椒 及 Mustard，配合埋side dish 香烤蒜頭同粒粒香甜車厘茄，擺盤好靚！
牛扒叫左5成熟，外邊炭香味濃，內裡鮮嫩多汁，正！
70%朱古力心太軟蛋糕
最後又點少得甜品呢！朱古力心太軟外層微脆，內裡軟心熱辣辣，一切開朱古力醬就好似湧泉咁流出黎，配合埋雲呢拿雪糕，一凍一熱，冰火交融，令人回味～
張貼
