影片
更多
2021-02-05
1012 瀏覽
同事準備調職，所以中午我喺南昌V Walk食完飯，順便喺「泰昌餅家」買幾件餅歡送佢😚。泰昌環境裝修主色用上湖水藍，既時尚亦令人舒服。麵包貨架同雪櫃好整齊，成間舖好光猛。店舖得一位女店員，佢非常落力同有禮貌👍。呢度賣嘅產品種類比想像中多好多，蛋撻就當然係必食啦！泰昌個餅盒勁靚😍，用上卡通畫作呈現香港特式🇭🇰，送禮比人勁得體，就算自己望見都好開心。店員推介我食新推出嘅藍莓撻，而且佢仲話有組合優惠添！$18包一個藍莓撻(原價$12)以及一個皇牌蛋撻(原價$7.5)，其實平就唔係平好多🙈，不過既然買開，平幾蚊都好吖。藍莓撻幾好食啵🫐🤤，有啲意想唔到，首先我有諗過兩者會唔會唔夾，但出品效果比起幾年前大熱嘅芝士撻更搭調，層次更豐富。藍莓撻酸甜度啱啱好，中間有啲似布甸嘅蛋糕層軟軟綿綿。皇牌蛋撻係呢度嘅招牌👑，水準有保證。泰昌有別於其他餅店，因為佢嘅皇牌係用上曲奇皮，食落特別脆又無咁油。至於蛋漿亦係另一主角🥚，蛋質幼滑，味道香濃，最重要係夠濕潤。另外，我仲要咗兩件酥皮蛋撻($7.5)同老婆餅($6.5)。前者整體同皇牌蛋撻冇乜分別，唯一唔同係個皮，鍾意多層兼酥脆(而唔係爽脆)嘅就食呢款吧。我自己本身就
同事準備調職，所以中午我喺南昌V Walk食完飯，順便喺「泰昌餅家」買幾件餅歡送佢😚。泰昌環境裝修主色用上湖水藍，既時尚亦令人舒服。
麵包貨架同雪櫃好整齊，成間舖好光猛。店舖得一位女店員，佢非常落力同有禮貌👍。呢度賣嘅產品種類比想像中多好多，蛋撻就當然係必食啦！
泰昌個餅盒勁靚😍，用上卡通畫作呈現香港特式🇭🇰，送禮比人勁得體，就算自己望見都好開心。
店員推介我食新推出嘅藍莓撻，而且佢仲話有組合優惠添！$18包一個藍莓撻(原價$12)以及一個皇牌蛋撻(原價$7.5)，其實平就唔係平好多🙈，不過既然買開，平幾蚊都好吖。
藍莓撻
35 瀏覽
0 讚好
0 留言
皇牌蛋撻
39 瀏覽
0 讚好
0 留言
另外，我仲要咗兩件酥皮蛋撻($7.5)同老婆餅($6.5)。前者整體同皇牌蛋撻冇乜分別，唯一唔同係個皮，鍾意多層兼酥脆(而唔係爽脆)嘅就食呢款吧。我自己本身就唔太鍾意食老婆餅😓，但食咗啖都已經感受到佢爆多冬瓜蓉。
總括嚟講，泰昌嘅出品係有質素😋，就算係本地人食都會覺得好味。蛋撻以外，藍莓撻都好正，我希望佢唔係只係期間限定款式啦🙏🏻。
張貼
