深宵食堂 (已結業)

今日約左個FD吹吹水, 黎到深宵食堂呢到, 叫返柸啤酒啤啤佢先, 再叫D串燒, 叫左條燒原條茄子, 大大條, 上面舖滿了滿滿的蒜溶, 燒得好香, 用來送酒一流. 再叫左燒秋葵.跟住叫左呢到其中一款招牌菜-鵝肝什菌石窩飯, 熱辣辣好鬼正, 一見到鵝肝已經流哂口水啦, 入口即溶之餘, 仲要煎得香脆, 味道香濃, 再加上什菌既香味, 每一啖都被兩者既味道充滿著.再加埋羊架, 真係送酒一流, 呢到D羊架燒得真係夠哂香, 必叫!! 而且肉汁JUICY, 生熟度剛好.再叫埋呢個一口和牛串, 無得頂呀, 肉汁又係好JUICY, 肉質一D都唔會硬, 還有香濃的牛味呢. YUMMY!!食左咁多肉食返D海鮮先, 每人叫左隻8吋蒜香大虎蝦, 又係堅正, 肉質彈牙, 鮮味十足.仲叫左汁燒帆立貝, 大大粒, 一D都唔乾, 十分滿足.