火五越式牛肉粉專門店 (其昌樓)

營業中

休息中

估唔到新年第一項節目就係排隊打針，佐敦官涌體育館場地大，預約咗都要排隊，打完針除咗好攰就係好肚餓，到附近幾條街食個午餐先。火五火車頭牛肉粉坐低聽到隔離枱問店員招牌菜係乜嘢，我就跟住嗌囉！火五火車頭牛肉粉真心抵食，份量大，選擇多，最緊要係質素好。生牛肉、熟牛肉，Medium Raw Beef, Cooked Beef 一樣入口柔軟，牛肉味濃郁，肉質滑溜。Vietnamese Sausage 扎肉好味道，最推介係和牛牛丸 ，Wagyu Beef Ball 爆汁的感覺，肥美可口，多肉汁。手作扎肉米紙卷4件分量啱啱好，一定要點特製醬汁，酸甜開胃，大量蔬菜，口感清新健康。意大利黑醋汁蒜蓉牛油雞翼Garlic Butter 香味濃郁，Chicken Wings 炸得香脆，入口肉嫩多汁，意大利黑醋汁減低油膩感，雞翼粉絲必食。法式咖哩牛肋油香飯法式咖哩香味芬芳，口味唔會好辣，最緊要係加埋枱上邊三款唔同嘅醬汁，混合三款自家醬汁，味道更加好味。牛肋條啖啖肉，牛味重，有咬口，配搭油香飯簡直天作之合，滋味滿分。