紅螞蟻 (已結業)

路過一田，順手入左紅螞蟻食，以往食太子o個邊o個間，印象都唔錯；點知今次去沙田呢間，評分大跌！我order左招牌自製福州丸米線，酸辣湯底~~但湯只酸唔辣，連我男友唔係好食得辣都話唔辣！福州丸無菇菇味，唔彈牙太實淨，無肉香，似食左一團熟麵粉入口男友order左咖喱焗田螺飯，咖喱算香，但無味...田螺有沙呀！我食左一隻，d沙多到......有無搞錯！d飯稔到好似俾bb仔食o個d咁，加埋d汁，根本係一pat野，好難入口！好啦，勉強食左，叫多個甜品─香芒糯米卷。香芒唔甜，都算啦，唔當造；但糯米皮太黐牙，成個甜品好hea......比較有好印象，已經係我叫左o個杯西瓜鮮牛奶......清清地，幾好飲~