海皇粥店 (樂道) (已結業)

好耐無試過粥，所以經過海皇粥店就入去食佢嘅招牌艇仔粥。見到佢有個特餐，粥配粉麵，再加個野飲，都係$50幾蚊，於是就叫左個特餐食。艇仔粥非常大碗，而且好足料，裡面有油條、花生、蔥花、魷魚條、海蜇等。聞落味道好香濃，粥嘅質感非常綿滑，而且唔會太稀同稠身，魷魚條同海蜇都好彈牙爽口，整體味道幾好食，保留左廣東粥嘅風味，水準好高！炒麵係係豉油炒麵，炒得幾好，麵幼身易咬，而且炒得唔係太油，味道亦都剛剛好，唔會好鹹。