名館 (希慎廣場) (已結業)

呢間中菜餐廳提供嘅菜品非常多樣化，有啲似fusion菜，小食到正餐，應有盡有，滿足家庭需求。最近聽講佢哋主打四川風味，有得食串燒和烤魚😍招牌酸菜烤魚～我哋其中一位朋友話近期有啲熱氣，好啦就下佢啦，就走辣😆估唔到亦令人驚喜，烤魚用上江團魚，魚肉肉質鮮嫩，表面一粒粒嘅炸黃豆，脆脆地，幾得意，搭配酸菜調味，讓口感更加豐富，配菜有黑木耳和黃芽白絲，好吸湯。另外我哋order咗鴨血、豆腐、萵筍、豆腐和馬鈴薯塊，令整體更豐富多樣，湯底好夠味，不需要再點醬油，已經夠鮮美👍🏻另外仲有四川風味嘅烤羊肉串和烤雞軟骨，也非常適合喜愛辣味嘅朋友，佐酒一流！烤菠蘿即係另一亮點，烤過後嘅菠蘿帶有濃郁香氣，甜酸口感，即成一道解膩飯後甜點。