日日香鵝肉飯店 (希慎廣場) (已結業)

今日去左希慎food court到，同同事一齊揀左日日香鵝肉店食，因為成日都食西餐，間唔中轉下口味，食下中餐都唔錯😬。我哋叫左1個招牌滷水鵝肉餐$64 & 1個滷水雙併餐$75。我哋就轉左瀨粉，再加左$8叫多左個菜！個餐雖然冇包飲品，不過餐會跟左老火湯（足料）👍🏻。滷水鵝肉色澤好靚，見到佢show 出黎，隻隻都好大隻，好吸引，個人覺得佢比平時街食既滷得好入味，唔會好咸，餸飯餸面岩岩好，而且都好多肉，仲要係鵝髀呀😆水準幾高。平時比較少食內臟，今日都試左食仲鵝腸，鵝腸好爽，中意食內臟既朋友都可以試吓，佢仲有鵝腎，豬大腸果啲揀⋯😆。仲有其他配菜（滷蛋，豆卜，紮肉，酸菜），菜式都好豐富👍🏻👍🏻👍🏻。所以lunch 既價錢黎講，CP值都幾高，餸&麵既份量都好多，好夠飽，大家都可以去試試👀。