君樂海南雞

灣仔有間海南雞外賣專門店，位置就係春園街。話說，我都鍾意食海南雞飯，所以就去買份外賣回家食。玻璃櫃內仲有好多款招牌小食，店舖除咗有飯類，仲有意粉、米線、沙律系列及自家製飲品

買咗盒 [ 無骨海南雞飯 $55 ] 無骨雞肉嫩滑得嚟，肉質好鮮嫩，配上醬汁，更加好食。白飯粒粒分明，每一口都吸收到雞汁嘅精華，口感滑順又帶有淡淡嘅雞香，非常好味。跟飯送咗碗粟米紅蘿蔔山葯湯，鮮甜好飲

另外配咗盒 [ 五香牛𦟌 $38 ]，再講講佢哋嘅五香牛𦟌，牛肉切得適中，唔會太厚，肉質緊實，牛肉更鮮味，牛展筋和肉分布均勻，好好味。呢款牛𦟌最適合搭配白飯，食落去一口接一口

配盒 [ 酸甜蘿蔔 $22 ] 一盒份量好多，酸甜蘿蔔味道清新，口感爽脆，微酸醬汁配搭脆口口感，越食越開胃