三代目 (愉景新城)

營業中

休息中

平日夜晚喺愉景新城行街，想搵間日本菜食下，就去咗呢個中庭旁邊嘅呢間。店面環境雖然比較暗，但坐落都幾舒適。餐牌上食物選擇唔少，一般居酒屋有嘅串燒、卷物、炸物、丼飯，甚至拉麵都有。紫蘇燒豚梅肉拉麵 ($98) ★★★✰✰首先呢個拉麵等咗30分鐘先有，以香港日式餐廳嚟講係非常慢。餐廳已經係用QR code落單，理應唔會漏單；不過感覺店內人手不足，例如埋單畀錢嘅時候都無店員喺帶位處，要等1-2分鐘先有店員服務。拉麵味道方面，值得一讚嘅係有兩邊半邊嘅溏心蛋(即係總共有一隻)，而且溏心蛋煮得恰到好處；兩塊叉燒都算肥瘦適中，呢個價錢嚟講呢個肉量都正常。至於嗰pat紫蘇醬，拌勻後無乜味，整個豬骨湯都唔算特別香濃。麵質正正常常唔會太腍。整體而言，因等候上菜同結帳太耐，今次用餐體驗一般；聽到隔離食客對佢哋食嘅嘢嘅評價都一般，所以俾個OK嘅評價。