曼谷車站

營業中

休息中

裝修幾靚既，不過新開未有太多客，夜晚7點去我同朋友係第一枱客。新開張免加一，openrice又可以9折，就都算抵食。兩個人嗌左兩個飯，一個細冬蔭功湯，再兩杯野飲，埋單230。落單上菜都快，可能個場未full，人手多過客。嗌左香芒蟹肉飯同波羅海鮮炒飯，芒果同蟹肉都多，不過唔知係唔係冷氣勁，野食好快變暖，唔太熱。飲品選擇比較少，如果有d特飲就好。飲品正價唔太抵，飲品如果可以跟飯半價就好。坐得幾舒服既，又可以打卡。