滾喜火鍋專門店 (已結業)

朋友wtsapp send左張傳單黎，有雞煲、朱潤、雞子呢D我最愛嘅重口味食物任食嘅邊爐，仲係200左右（計埋加一），即刻約齊人去試下。去到發現原來雞煲係要額外加錢，一煲約138起（人多嘅話每人加幾十蚊）。咁啱兩個朋友一個唔食芝士一個唔食辣，店員好有禮貌，話齋打邊爐都可以。揀左個188最平套餐，除左牛肉都同其他餐一樣可以任食其他配料。食物每樣都幾高質，牛肉亦有卷埋一捲捲，食落又牛味、新鮮+滑。和那些什麼牛X、X陣相比有過之而無不及。海蝦、炸魚皮都係任食，黃金魚皮超邪惡。食物亦上得好快。雖然飲品不多，也沒有甜品，但這個價錢和質素已經超值。食物款式多，價錢相宜，比那些什麼養X癲、大X袍好太多。