八番屋 (已結業)

壽司界有名將，拉麵界有八番屋，真係齊名，垃圾到一個點，晚飯時段去食，因為有位又無人排隊，叫咗3個嘢，义燒拉麵，咖哩吉列豬扒飲，3隻吉列蝦。第一個义燒拉麵，湯底唔使諗一定唔會用料去煲十幾個鐘果啲，果啲味你係起巿買到架，啲义燒薄到以為食緊蒜泥白肉，仲要成碗得4塊义燒，真係义燒拉麵無其他配料。第二個咖哩吉列豬扒飯，啲咖哩係日本咖哩仲要係超巿10蚊盒果隻，已經淡啦佢仲要開水煮，豬扒好迷你，其實可能係豬柳，加粉炸厚咗先係豬扒。最後果3隻吉列蝦，用普通㗎蝦開邊加粉炸，唔好諗住長身果隻，$38／3呢個價錢唔會俾好嘢你。總結佢真係拉麵界㗎名將黎，性價比極低，又貴又難食，完全唔值得幫襯㗎～