多賀野 (新城市廣場一期)

拉麵最緊要係湯底~


今日夜晚過開沙田新城市廣場呢邊，就行吓街，搵吓嘢食啦。


咁啱見到地層有啲餐廳，就走嚟望吓啦。


咦，有間食拉麵喎，不如試吓啦。


等咗一陣就可以入座。 呢度主要嘅係食麵嘅，即係拉麵，沾麵等等。


我揀咗個塩味拉麵。 塊紫菜都緊要嘅，成個拉麵嘅外貌就係因為有咗塊紫菜，靚仔晒。


麵質好好嘅，叉燒醬正，而小編覺得個湯底真係好緊要，食唔停，有種想飲晒成碗湯嗰種感覺。 美味指數5粒星😋。


下次，如果有機會嘅話會試埋個沾麵。