金鶴拉麵 (澳門逸園中心) (已結業)

金鶴拉麵就一啲都唔陌生，今日去嘅呢間位於銅鑼灣嘅店就有埋串燒食！星期五晚過嚟已經發現差唔多坐滿，嚟前真係要book位先得了。特濃雞白湯拉麵（$138）- 餐廳皇牌嘅拉麵當然要試下。奶白色嘅雞湯好濃郁，而且一啲都唔油膩，飲晒都唔覺得口渴同膩。拉麵粗身又彈牙，而雞肉厚身得嚟又可以保持嫩滑，仲有叉燒同半隻溏心蛋，一定要試。香辣豚骨湯拉麵（$98）- 湯底辣得惹味，但唔會話太辣。另加一隻溏心蛋（$15）雜錦串盛（$188）- 呢個好豐富，有免治雞肉、黑豚腸、雞軟骨、豬頸肉、五花腩、雞腿肉、雞腎同雞翼。全部都即叫即燒，所以熱辣辣。我最鐘意食免治雞肉，應該撈埋雞軟雞在內，所以食落好有口感。