24
11
10
等級4
102
0
大商場太多一式一樣嘅食肆,諗食咩其實真係唔容易...明明從日本返黎無耐,老公話想回味一下日本拉麵,難得有諗法,就去食拉麵啦。(某程度上,我覺得係...老公見店員妹妹有禮地介紹,所以入咗去)店員妹妹介紹咗期間限定拉麵-天極魚干醬油拉麵,仲有加配優惠既小食同飲品...我老公就話好好好,真係當我透明,不過真係要讚下妹妹,正如我以前都提過,好嘅服務係會令食物好食啲。呢樣店員妹妹係做得好好的,我係老細的話一定比間舖佢打骰。我口痕再點多三款小食試下...食物:十人十色和風沙律,個名好似好有特色咁,無聊嘅我地真係走去數下係咪真係有十款配料,又真係有齊十種配料: 雞肉、鷹咀豆、蕃茄、紅蘿蔔、青瓜、粟米、紅腰豆、沙律苗、薯仔、毛豆!呢十種配料加埋醋配搭芝士粒,食落好開胃,有粉有爽有咬口又有水份,包羅萬有,好豐富呀~一個女仔食的話可能會飽,老公食完話試下照抄當午餐嚟減肥,即管聽住先。章魚燒上枱時熱辣辣,唔似街邊一早燒好用個盤熱住,食得出係即整,所以表皮脆但蛋醬係好煙韌,不過粒章魚就細到食咗都唔知,有啲可惜。玉子鰻魚天婦羅,佢炸得唔油淋淋已經好感動,鰻魚又算大大條,夾住厚燒蛋,咬落啖啖肉,又唔會太膩,加埋用
更多
大商場太多一式一樣嘅食肆,
諗食咩其實真係唔容易...

明明從日本返黎無耐,
老公話想回味一下日本拉麵,
難得有諗法,就去食拉麵啦。

(某程度上,我覺得係...
老公見店員妹妹有禮地介紹,所以入咗去)


25 瀏覽
0 讚好
0 留言


店員妹妹介紹咗期間限定拉麵-
天極魚干醬油拉麵,
仲有加配優惠既小食同飲品...

我老公就話好好好,真係當我透明,
不過真係要讚下妹妹,
正如我以前都提過,
好嘅服務係會令食物好食啲。

呢樣店員妹妹係做得好好的,
我係老細的話一定比間舖佢打骰。


我口痕再點多三款小食試下...

食物:
十人十色和風沙律,
個名好似好有特色咁,
無聊嘅我地真係走去數下係咪真係有十款配料,
又真係有齊十種配料:
雞肉、鷹咀豆、蕃茄、紅蘿蔔、青瓜、粟米、紅腰豆、沙律苗、薯仔、毛豆!

十人十色和風沙律
8 瀏覽
0 讚好
0 留言


呢十種配料加埋醋配搭芝士粒,
食落好開胃,有粉有爽有咬口又有水份,
包羅萬有,好豐富呀~

一個女仔食的話可能會飽,
老公食完話試下照抄當午餐嚟減肥,
即管聽住先。


10 瀏覽
0 讚好
0 留言


章魚燒上枱時熱辣辣,
唔似街邊一早燒好用個盤熱住,
食得出係即整,

所以表皮脆但蛋醬係好煙韌,
不過粒章魚就細到食咗都唔知,有啲可惜。


6 瀏覽
0 讚好
0 留言


玉子鰻魚天婦羅,
佢炸得唔油淋淋已經好感動,
鰻魚又算大大條,夾住厚燒蛋,
咬落啖啖肉,又唔會太膩,
加埋用紫菜包住佢地,食到淡淡紫菜焦香~

呢個配搭未試過,又估唔到夾得幾好,
份量算多,值得一試。


6 瀏覽
1 讚好
0 留言


魚干醬油拉麵,
湯底唔鹹幾好入口,
雞叉燒有陣燒過嘅香味,嫩滑,唔錯。



4 瀏覽
0 讚好
0 留言


黑武骨豚肉拉麵,
佢黑得嚟唔算好大黑蒜味,
感覺上略為油膩,
如果食慣日本嘅高濃度拉麵應該會幾開心。


兩個拉麵硬度適中,
份量足夠,都掛到湯。
流心蛋一流,無得彈,
特別魚干醬油拉麵有完整一隻蛋呢!!
豚肉拉麵雖然只得半隻蛋,但豚肉份量多,補足返~



蕎麥奶香特飲
11 瀏覽
1 讚好
0 留言


最後我地叫咗兩杯餐飲,
白桃特飲都係大路嘢,
甜甜地嘅果汁。
反而蕎麥奶香特飲真係值得一試,

奶香配合有飯焦味嘅蕎麥,
真係好爽,一定要試。



5 瀏覽
0 讚好
0 留言


環境:
店不算很大,但都10多張四人枱,
有卡位有背靠椅,寬敞舒適。


服務:
店員妹妹非常親切有禮,積極介紹食品,
服務亦很殷勤細心,預先準備好小碗,
下單上菜快捷到位,
能媲美日本級服務態度~


24 瀏覽
0 讚好
0 留言

(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$150 (晚餐)
推介美食
十人十色和風沙律
蕎麥奶香特飲