豚燻 (已結業)

銅鑼灣愈嚟愈多拉麵店, 呢間開左唔太耐, 咁勇於加入戰團, 當然要試試質素。味噌拉麵湯底帶少少平時飲既味噌湯味道, 加埋豚骨既味, 都幾濃郁, 麵系幼麵, 煮得唔夠散, 有少少黏埋一齊既情況, 主打既煙燻叉燒比較瘦, 入口唔夠軟滑, 但鍾意瘦叉既人會啱口味。豚骨拉麵湯底豚骨味就更重, 感覺比較香口, 蛋既溏心效果一般, 可以改善。總括嚟講, 呢度既味噌湯底同叉燒都有特別之處, 相信系同其他拉麵店一爭高下既主要戰士。