鳴虎 (已搬遷) 新店位置

今日同屋企人去新都城三期新開嘅日式餐廳「鳴虎」開餐，之前見佢都大排長龍，今日終於有幸食到！餐廳有serve拉麵同丼飯，我哋就叫咗以下幾樣嘢食：鳴虎拉麵（$86）：即係日本魚乾豬骨湯拉麵，用咗四種鮮魚加上秘製豬骨湯底，好香：黑鳴虎拉麵（$88）：即係博多黑蒜油拉麵，蒜味好香濃，而且叉燒好大塊：和歌山汁燒鯖魚丼（$58）：雖然感覺呢間日式餐廳係主打拉麵，但佢呢個燒鯖魚丼都非常有水準！和歌山汁係一種甜甜嘅汁，同燒鯖魚好夾，而且燒鯖魚無骨，飯嘅份量又多，呢個價錢真係抵！