旺角冰室 (已結業)

喺太子旺區就腳當然要試一試，睇餐牌價錢叫做化算，睇其他食客檯面食物份量唔細，一於試一試啲嘢食質素。和牛漢堡咖喱焗飯 $59個飯上檯時熱辣辣，漢堡牛扒都幾厚幾大件，算有啲肉汁，有芝士，洋蔥，紅蘿蔔同薯仔，芝士做到拉絲效果，所有材料熟成適中，個汁幾濃，飯量算適中，拉絲為件事加咗唔少分數。咖喱芝士流心魚柳飯 $59的確係有流心芝士嘅效果，魚柳一整件幾大塊，都係同一隻日式咖喱汁，除咗洋蔥，紅蘿蔔同薯仔，仲有啲椰菜，飯量約一碗，不錯。雪山粒粒法蘭西多士 $30呢個加埋蜜糖食一流！細細件容易食，都算有啲脆邊，算香口，吸油落咗功夫，件數算多，值回票價。