The Promenade餐廳

營業中

休息中

呢度自助餐的質素唔錯，食物選擇好多，而且幾精美。除o左一般大路西式菜式，仲有唔小中式菜，好似清蒸魚，帶子炒西蘭花。同埋婆婆o黎都唔怕佢唔o岩胃口。而家攪緊一個抽珍珠遊戲，有一大桶未開的珍珠蚌，一人可抽一次，佢話四份一機會中獎喎～！我地上次八個人去，抽o左八次，終於最後比我地抽中一粒中型size 的珍珠，跟住Ｄ職員就話可以比有零蚊鑲介指呀，頸鍊呀！我地就冇鑲，就咁拎粒珍珠就算。我地大家都覺得幾兒戲，即係有Ｄ假，因為隻蚌雖然未開，但開o左之後，Ｄ肉好似烚過咁，而且個職員哥哥仲話我地唔識揀，佢揀一定中～！哈哈，只係遊戲o者，開心下都唔錯o既！減肥推介～呢度個沙律吧有好多選擇，配料，醬汁都有好多款。Cold cut 都唔差，仲一晚轉兩，三次款式。甜品有豆腐花。