海港燒鵝海鮮酒家 (已結業)

遇著一些對吃沒甚要求的朋友,有時都幾頭痛.好像日前做電燈膽,陪個朋友在旺角買點東西,晚飯就地取材,區內搞掂,小弟要求坐一程小巴到深水步排檔,也遭駁回.旺角金雞一樓的海港,身處金雞,忽然多一份道地的古惑味.桑拿波樓一條龍,直頭係眾旺角古惑look之聖城麥加.三個人唔係特別肚餓,打頭陣的酸辣鳳爪,唔掂,比外面的,除多一種旺角味外,還有化學味.叫得燒鵝酒家嘛,當然叫隻燒鵝才匹配.例牌份量,鵝肉鞋得要命,全無鵝味,鵝皮淋過濕紙巾.打正旗號燒鵝酒家的燒鵝,就是如此,可想像到其後的小菜,會係咩一回事?三味小菜,都係普通到唔普通,西蘭花鮮魷,翠塘豆腐,椒鹽九肚,吃罷全無印象.幸好,都係三味,叫多味都唔使客氣.沒有要求的友人,終於臣服.小弟不禁抽水不聽老人言,吃虧在眼前.)