中村藤吉香港店 (已結業)

食完晚餐，又要開動了。承接晚餐的日本料理，點可以唔揀返日本甜品作結呢？生茶啫喱係中村藤吉嘅代表作之一, 係每日新鮮從京都宇治空運抵港㗎！啫喱嘅茶味非常澎湃，甜度低，帶點苦澀味，入口するする(滑捋捋)，真係唔係好捨得呑佢落肚。抹茶雪糕，食落奶味濃郁，但又不會蓋過甘香茶味。雪糕質地細緻綿密，入口滑溜，瞬間溶化。白玉丸子，口感煙煙韌韌，仲越嚼越有糯香。抹茶同紅豆一向都係絕配， 成個甜品加埋紅豆蓉先夠圓滿。食完再慢慢品嚐熱茶，聞一聞陣陣清幽茶香。