抹茶館 (已結業)

今日入左將軍澳同朋友一齊食晚餐，抹茶館算係位置方便又坐得舒服，而且餐牌選擇都唔少，除左出名的抹茶產品，仲有拉麵、烏冬、丼飯等等，睇返餐牌似係預一人分量，所以我地一人選擇一款食物就剛剛好啦。芝士雞肉蕃茄忌廉烏冬 - 個人認為有少少中伏的感覺，芝士味搶過晒D蕃茄，而且味道出來不是太夾，可以不用試。照燒汁帆立貝伴温泉蛋丼 - 帆立貝同蝦的分量唔少，唯味道一般。香蔥芝麻辣燒牛肉伴温泉蛋丼 - 雖然我個人鐘意食辣，但始終食唔到太辣。而D個香蔥芝麻辣燒牛肉的辣度剛剛好，牛肉都唔會太韌，相對好食。牛奶抺茶 (大) - 牛奶抺茶夠香滑，不過太多冰，飲到最後個味會好淡。整體而言，食物質素穏定，分量都唔少，而且環境舒適，算係同朋友一齊傾計食飯的好選擇。