中村藤吉香港店 (已結業)

放假時間，緊係去gathering啦，專登去咗排中村藤吉，咁多人等，食物當然有保證啦！環境清幽，猶如城市中綠州，一入到去就令人好放鬆！無收加一，但茶芥10蚊，一枱有一壺茶，啲茶幾清香，唔錯！我哋揀咗三款甜品，其中兩款係朋友食，就冇辦法仔細評價啦，但據朋友所講味道係唔錯！ 我只係食咗抹茶配焙茶雪糕，附送生茶啫喱。雪糕軟滑順口，茶味香濃，微甜；丸子煙韌彈牙；紅豆味香；三樣配埋一齊好夾。再飲埋清淡嘅茶，成個人清新晒。