euro go go (已結業)

自從加入「吃貨」行列，我個人就自肥，但荷包就「暴瘦」，都唔知係歡笑定唏噓。呢日約咗好友喺荃灣食Lunch，佢知我「窮困」，提議食Euro Go Go，So Sweet！呢間食店以前都係我至愛，尤其Tea Set超抵食，估唔到午市都有好嘢！🍓Pizza套餐_蕃茄芝士Pizza半份 ＋ 凍齋啡＋沙律 HK$ 42＋HK$4 （凍飲要加錢）呢度半份Pizza已好大份，個餡味道Standard，個餅底雖然偏乾身，但勝在餅底脆又有麵粉香，讚！沙律都算新鮮，份量又Ok，咁嘅價錢冇得輸。🍓套餐加香蕉班㦸 HK$9 呢個真係喜出望外，首先佢好大好大份，第二佢個餅皮竟然都仲有蛋香味，可能有人會覺得質地唔夠「彈性」，但咁嘅價錢可以啦。裏面香蕉同Cream都好足，唔計卡路里的話真係食得好開心！55蚊可以喺Lunch Time食到前菜、主菜、甜品連飲品，我真係滿意架喇。真心覺得呢度食意粉Set冇咁抵架哩！