賞茶 (青衣站) (已結業)

今日經過青衣城，見到『賞茶』又想飲🤤望到counter有新品推出：桂花烏龍系列睇poster覺得呢個配搭幾特別，估計味道應該唔錯，價錢仲要唔貴，大大杯都只係＄24👍🏼👍🏼個人覺得抵到爛！今次揀左『桂花烏龍波霸奶茶』試下。呢個系列有部分茶飲係固定糖度，大家要注意喇😉開頭都有少少擔心會太甜，不過『賞茶』無令我失望😍頭一啖巳經飲到清香桂花味，好特別！間中仲會飲到一粒粒桂花碎，所以記得搖匀先好飲～慢慢會嚐到烏龍茶味。雖然話糖度固定左，但係絕對唔會過甜，我反而覺得有啲淡😂大家可以放心！珍珠依舊軟糯好味，所有味道配合得好好，絕對係好抵飲嘅新品喔！