壽司豐 (已結業)

本身約好去日本慶祝閨密生日。唯有喺香港食Omakase 慶祝啦🥂。前菜*合桃小女子*鹹鹹魚仔x甜甜合桃。好開胃。 鱆紅魚薄切～淡淡魚油味道。不錯。豉油碟好靚牙。刺身有中拖羅。牡丹蝦。北海道帶子。帶子好肥美牙。師傅話點岩鹽食味道更佳😛。輕燒大拖羅～輕🔥咗魚油咇曬出黎。真係無得頂🤤🤤天婦羅*蝦*南瓜*蕃薯天婦羅汁哩？原來師傅落咗昆布鹽。唔洗點汁就食得。食落仲香脆。壽司有5款。分別係赤貝。赤身醬油漬。秋刀魚。鱲魚。中拖羅。件件新鮮有光澤。赤貝最🉐️我歡心。爽口鮮甜🤩。海膽卷～海膽入口即溶。紫菜脆卜卜。🈶️十個脆脆脆。蟹肉響螺湯～師傅用咗梳子蟹。蟹肉好鮮甜啊。甜品係蜜瓜。甜入❤️。