影片
更多
2019-01-12
86 瀏覽
友人帶我來這餐廳, 話有好抵既OMAKASE，係我第一次食XD今日來食由師傅發辦的OMAKASE lunch set~"廚師精選十二貫" $360，12款壽司再加前菜、手卷、煮蛋、麵豉湯、雪糕! 好抵!! 呢個濕紙巾都幾得意，店員先到熱水落去，然後就會發大！前菜有雜菜沙律同魚生沙律：有幾款魚生，加埋芝麻醬，好開胃！仲有一碟炸櫻花蝦，炸到金黃色好香脆，食到停唔到口！一路食一路望住師傅為我地準備壽司：第一款：富山灣白蝦壽司。白蝦鮮味，已經淋左醬油，唔需要自己再調味之後係帆立貝壽司，好厚肉，面頭灑左黃柚子碎，食到淡淡柚子味，壽司已經混合左Wasabi💕 正第三款：剝皮魚，用了魚肝醬調味，吾錯。之後的金目鯛壽司：上面炸甘荀除咗增加整個壽司嘅口感之外，賣相亦都吸引左好多。第五款：是深海池魚。食落啖啖肉，好鍾意上面魚肝同香蔥，味道香濃第六款：鰤魚壽司，灑上左七色芝麻同埋用咗紅心蘿蔔點綴。整體口感同味道都好配合第７款：醬油漬吞拿魚，上面係紫菜醬同芝麻。吞拿魚食到醬油味第八款：拖羅，好肥美，油脂比例啱啱好。第九款：我最愛嘅海膽軍艦。見到師傅整嘅時候不停將啲海膽對疊上去，滿滿嘅海膽！海膽味香濃，非常新
今日來食由師傅發辦的OMAKASE lunch set~"廚師精選十二貫" $360，12款壽司再加前菜、手卷、煮蛋、麵豉湯、雪糕! 好抵!!
呢個濕紙巾都幾得意，店員先到熱水落去，然後就會發大！
前菜有雜菜沙律同魚生沙律：有幾款魚生，加埋芝麻醬，好開胃！
仲有一碟炸櫻花蝦，炸到金黃色好香脆，食到停唔到口！
一路食一路望住師傅為我地準備壽司：
第一款：富山灣白蝦壽司。白蝦鮮味，已經淋左醬油，唔需要自己再調味
之後係帆立貝壽司，好厚肉，面頭灑左黃柚子碎，食到淡淡柚子味，壽司已經混合左Wasabi💕 正
第三款：剝皮魚，用了魚肝醬調味，吾錯。
之後的金目鯛壽司：上面炸甘荀除咗增加整個壽司嘅口感之外，賣相亦都吸引左好多。
第五款：是深海池魚。食落啖啖肉，好鍾意上面魚肝同香蔥，味道香濃
第六款：鰤魚壽司，灑上左七色芝麻同埋用咗紅心蘿蔔點綴。整體口感同味道都好配合
第７款：醬油漬吞拿魚，上面係紫菜醬同芝麻。吞拿魚食到醬油味
第八款：拖羅，好肥美，油脂比例啱啱好。
第九款：我最愛嘅海膽軍艦。見到師傅整嘅時候不停將啲海膽對疊上去，滿滿嘅海膽！海膽味香濃，非常新鮮！
之後嗰三款都係火炙壽司：火炙北海道BB銀鱈魚
火灸赤鯥魚壽司
右口魚魚邊壽司。食落去面頭香脆，魚脂燒過之後滲出魚油，加強左入口即溶嘅口感！
食完壽司之後原來仲有手卷，
呢個吞拿魚手卷非常足料，成條都有吞拿魚唔係剩係得面頭，混合左紫菜碎 ，香口嘅芝麻，同埋香脆嘅脆脆米，令手卷好有口感！好夾之後仲有面豉湯，湯入面有蘿蔔、面根、海帶。
蒸蛋中有香菇、魚肉。
最後就係雪糕甜品，我哋揀咗芋頭同海鹽雪糕。兩個口感都好幼滑，味道天然！為非常滿足嘅一餐畫下完美句點！
張貼
