鮨心 ，旬節 (已結業)

一直都好想試omekase，但晚餐通常都要四位數起跳。於是我地選擇lunch去食，黎個價錢真係好吸引，今次嘅竹套餐只需要$298，就已經有沙律，壽司9件，一件手卷，茶碗蒸同麵豉湯，仲有雪糕添！首先就黎個鱈魚乾同前菜沙律。之後就到壽司，師傅會續一介紹，可惜我地都無mark低，所以唔可以寫曬出黎。我個人覺得右口魚最後驚喜，平時係壽司舖可能食左口魚食得多，但係右口魚係經過火炙，將d魚油逼曬出黎，加埋黑松露嘅味道係好match，令到魚油香j而不膩。坐喺bar枱睇住師傅整壽司，真係好似近距離欣賞藝術品咁。🍣赤貝🍣拖羅壽司配吞拿魚蓉🍣赤酢吞拿🍣燒右口魚壽司配黑松露醬🍣海膽🍣東京灣鯖魚配浸醋昆布🍣鮑魚  之後就有一個三文魚籽手卷內有天婦羅脆脆同吞拿魚蓉。d三文魚籽多到滿瀉，平時食到嘅三文魚籽通常帶有一陣腥味，但今次手卷嘅三文魚籽應該相當新鮮，淡淡嘅鹹香配脆口嘅天婦羅脆脆，同埋吞拿魚蓉嘅甜真係好好食。最後有茶碗蒸同雪糕，為今餐畫上完美句號！