大門橫丁串燒手打烏龍麵店 (已搬遷) 新店位置

今日約左朋友係尖沙咀食晏,佢話想食烏冬,咁我又唔熟路,唯有佢話事,咁就去左厚福街,其實成條街都係野食,我就睇到咩都想食,結果就入左黎依間喇.太約兩點半左右,好彩唔洗等位,我仲諗住已經係下午茶,點知依然有lunch叫。咁我就當然叫個lunch試下,我就叫左個蕃茄雞柳湯烏冬,蕃茄湯底好好味,好濃呀,另外真係有半個蕃茄係到，岩哂我,係其他地方我都好少見到蕃茄湯底真係有蕃茄,雞柳就硬左少少,不過味道都唔差,而且仲有好多,份量絕對夠,另外個烏冬都唔錯,唔太林又唔太爽,朋友就叫左幾個小食,不過我就無份既,另外讚下D侍應既服務, 加茶都係咁加, 其實下午茶時間都應該想抖下,不過佢地都無偷懶, 而且環境暗暗地,食飯傾計真係一流。