影片
更多
2014-03-16
6245 瀏覽
無論咩時候, 都見到呢間shabu shabu好多人食, 今日終於去試番個lunch, 雖然限時90分鐘, 但都食到好飽, 真係幾抵食~lunch可以選擇叫set或者放題, 第一次食, 當然要先試放題啦~ 除咗shabu shabu之外, 佢仲有sukiyaki, 所以我地兩樣都叫, 咁咪一次過試勻lor~~ 呢度係每人一鍋的型式, 而每個鍋都會用個方木盒去包圍住佢, 咁樣就有咁易整親同郁到果煲湯, 真係切想周到~ 而如果你係坐長枱搭枱的話, 中間仲有塊屏風隔開, 夠哂私隱, 令你覺得唔似搭緊枱~醬料都係自助形式, 自己鍾意點混醬就點混~ 湯底shabu shabu的昆布清湯+日牛清湯同埋sukiyaki的甜豉油湯其實兩款清湯味道分別不大, 係甜豉油的湯明顯甜d, 所以先分得到, 而且覺得好似好味d~ 雖然上枱時只有半兜湯, 但佢呢度不定時都會有伙計埋嚟加湯, 而唔係加水, 所以伙計會問清楚你地d湯底係咩, 以免搞錯~ 肉類澳洲殼飼牛+美國豬肩每樣都好薄切, 全部都係透光的, 而每一盒各有12塊, 食完一盒可以叫佢refrill, 但refrill速度唔算快, 超過5分鐘先上
lunch可以選擇叫set或者放題, 第一次食, 當然要先試放題啦~ 除咗shabu shabu之外, 佢仲有sukiyaki, 所以我地兩樣都叫, 咁咪一次過試勻lor~~
呢度係每人一鍋的型式, 而每個鍋都會用個方木盒去包圍住佢, 咁樣就有咁易整親同郁到果煲湯, 真係切想周到~ 而如果你係坐長枱搭枱的話, 中間仲有塊屏風隔開, 夠哂私隱, 令你覺得唔似搭緊枱~醬料都係自助形式, 自己鍾意點混醬就點混~
湯底shabu shabu的昆布清湯+日牛清湯同埋sukiyaki的甜豉油湯
其實兩款清湯味道分別不大, 係甜豉油的湯明顯甜d, 所以先分得到, 而且覺得好似好味d~ 雖然上枱時只有半兜湯, 但佢呢度不定時都會有伙計埋嚟加湯, 而唔係加水, 所以伙計會問清楚你地d湯底係咩, 以免搞錯~
肉類
澳洲殼飼牛+美國豬肩每樣都好薄切, 全部都係透光的, 而每一盒各有12塊, 食完一盒可以叫佢refrill, 但refrill速度唔算快, 超過5分鐘先上, 但你唔食完一盒係唔可以refrill的, 所以最好夾埋一盒, 然後盡快叫佢refrill, 咁樣就好d, 因為唔係閒日的話, 係限食90分鐘, 所以要分秒必爭~
唔知係咪因為薄切的關係, 絕對唔會un, 而且差不多一放入湯, 已經可以夾上嚟食, 而我由於大部份都係放入甜豉油度, 所以兩款肉都係好甜~
蔬菜類
以自助方式响出面夾, 款式選擇雖然唔及中式打邊爐咁多款, 但都有幾款菜, 幾款丸, 腸, 麵, 芋絲, 粟米, 等等, 超過廿款, 而且樣樣望落都好新鮮乾淨, 絕對靠得住~飯
如果要飽肚, 可以食飯, 佢有白飯同黑松露紅米飯, 我試過個紅米飯, 好淡, 冇黑松露香, 最大問題係唔夠熱, 雖然佢係放响飯煲入面, 唔通個飯煲唔記得開掣? 甜品
只有一個選擇, 就係乳酪, 而佢d乳酪係自己拉掣整出來的, 唔會話放响室溫, 搞到變壞, 所以我食咗兩大杯, 同時佢有六款配料+3款醬料比你任落, 真係好玩又好食~
飲品
成部coca cola汽水機比你自己斟, 仲有冰比你加, 最啱我呢d溝汽水的變態人, 可以一次過溝均咁多種汽水~ 由於我係星期六食, 所以係限時90分鐘, 响入坐時, 伙計會提醒你以入座起計90分鐘, 而到差不多仲有15分鐘時, 會走嚟叫你先埋單, 而我地亦坐到佢叫我地走為止~
張貼
